អ្នកជំងឺជនជាតិអូស្ត្រាលី អាយុ56ឆ្នាំ។ គាត់មានប្រវត្តិជំងឺទឹកនោមផ្អែមនិងលើសឈាម។ មុនពេលមកសម្រាកនៅមន្ទីរពេទ្យជោរៃភ្នំពេញ អ្នកជំងឺបានសម្រាកព្យាបាលនៅគ្លីនិកមួយកន្លែងដោយមានដំបៅជើង ហើយត្រូវកាត់ម្រាមជើងមួយ ដើម្បីព្យាបាល ប៉ុន្តែមិនបានធូរស្រាល។ ដូច្នេះអ្នកជំងឺត្រូវបានក្រុមគ្រួសារបញ្ជូនមកកាន់មន្ទីរពេទ្យជោរៃភ្នំពេញក្នុងស្ថានភាពរវើរវាយ ក្តៅខ្លួន និងមានខ្ទុះច្រើននៅត្រង់កន្លែងកាត់។ បន្ទាប់ពីទទួលបានការពិនិត្យយ៉ាងយកចិត្តទុកដាក់ពីសំណាក់ក្រុមគ្រូពេទ្យមក ឃើញថាអ្នកជំងឺចាំបាច់ត្រូវវះកាត់ទ្បើងវិញ ហើយការវះកាត់ត្រូវប្រព្រឹត្តទៅចំនួន ០២ លើក គឺវះកាត់លាងរបួសអោយស្អាត និងវះកាត់ដើម្បីដេរភ្ជិតវិញ។ បន្ទាប់ពីវះកាត់ និងសម្រាកព្យាបាលចំនួន ០២ សប្តាហ៍រួចមក អ្នកជំងឺបានធូរស្បើយ និងអាចត្រលប់ទៅផ្ទះវិញ។ ដោយសារតែអ្នកជំងឺគាត់មានបណ្ណសន្យារ៉ាប់រងសម្រាកពេទ្យនិងវះកាត់ ដែលផ្តល់ការធានាដោយក្រុមហ៊ុន Forte Insurance ដូច្នេះរាល់ថ្លៃចំណាយសម្រាប់ការព្យាបាលនិងវះកាត់ ត្រូវរ៉ាប់រងដោយក្រុមហ៊ុន Forte Insurance ជាមួយការបញ្ចុះតម្លៃយ៉ាងពិសេសជូនអ្នកជំងឺ។