ករណីអ្នកជំងឺរលាក និង ស្ទះទឹកប្រមាត់ដោយសារមានដុំក្រួសដ៏ធំនៅក្នុងបំពង់ទឹកប្រមាត់។

ដុំក្រួសត្រូវបានឆ្លុះបំបែក និង ចាប់ទាញយកចេញដោយជោគជ័យ

តាមរយៈវិធីសាស្រ្តទំនើប ERCP ដោយពុំចាំបាច់ធ្វើការវះកាត់។

ERCP(Endoscopic Retrograde Cholangiopancreatography) ជាវិធីសាស្រ្តដ៏ទំនើបក្នុងការធ្វើរោគវិនិច្ឆ័យ និង ព្យាបាលបញ្ហាប្រព័ន្ធផ្លូវទឹកប្រមាត់-លំពែង ពិសេសបញ្ហាស្ទះ, រលាក បំពង់ទឹកប្រមាត់ដោយសារមូលហេតុដូចជា មានក្រួសបំពង់ទឹកប្រមាត់ ព្រូនលូនចូលបំពង់ទឹកប្រមាត់ ទឹកប្រមាត់ខាប់ខ្លាំង(ក្រួសភក់) ត្បៀតបំពង់ទឹកប្រមាត់ដោយសាររលាកបំពង់ទឹកប្រមាត់រុំារ៉ៃ ឬ មហារីកបំពង់ទឹកប្រមាត់ ត្បៀត Ampulla of vater(រន្ធតភ្ជាប់បំពង់ទឹកប្រមាត់ជាមួយដើមពោះវៀនតូច D2), មហារីកក្បាលលំពែង, ជ្រាបទឹកប្រមាត់ក្រោយការវះកាត់ថង់ទឹកប្រមាត់រួច…។ វិធីសាស្រ្ត ERCP នេះអាចជួយព្យាបាលអ្នកជំងឺ ដែលមានបញ្ហាស្ទះទឹកប្រមាត់ដោយសារមូលហេតុខាងលើ អោយជៀសផុតពីការវះកាត់ មិនមានការឈឺចាប់ខ្លាំង មិនបាត់បង់ឈាមច្រើន មិនបន្សល់ទុកស្នាមរបួសដូចជាការវះកាត់ ការសម្រាកពេទ្យរយៈពេលខ្លី និងសន្សំសំចៃថវិកាផងដែរ។

ផ្នែកឆ្លុះក្រពះ ពោះវៀននៃមន្ទីរពេទ្យយើងខ្ញុំមានសេវាកម្ម÷

- ឆ្លុះក្រពះ ពោះវៀន

- ឆ្លុះទងសួត

- ឆ្លុះចងសរសៃឈាមប៉ោងក្នុងបំពង់អាហារ(ក្រិនថ្លើម)

- ឆ្លុះកាត់ដុំសាច់ ប៉ូលីពក្នុងបំពង់រំលាយអាហារ

- ឆ្លុះចាក់ថ្នាំឃាត់ឈាម-ប្រើតង្កៀបកៀបឃាត់ឈាមកំពុងហូរក្នុងបំពង់រំលាយអាហារ(ដំបៅកំពុងហូរឈាម)

- ឆ្លុះចាប់យកវត្ថុស្លាក់ក្នុងបំពង់រំលាយអាហារ

- ឆ្លុះចាប់យកក្រួសក្នុងបំពង់ទឹកប្រមាត់-លំពែង(ERCP)។ល។